Kawng chhiat vangin an nu leh paten zirlaite ke in kalpui

Kolasib leh Aizawl inkara awm Bualpui North-a zirlaite leh an nu leh pate chuan kawng chhiat avanga school an kal thei lo chu siamthat thuai phutin Zirtawpni zing khan kawng an zawh.
Thudawn danin Kolasib district Bualpui North khua atang hian nitin zirlai 50 vel Kolasib-ah an kal thin a, bus-in a phur thin. Bualpui North atang tho hian Kawnpuiah zirlai 150 vel kalin, an ni hi bus pahnih, Ecco van pakhat, private car pathum leh two wheeler hmangin an kal thin a ni.
Bualpui North hi national highway paltlang niin, an khua hi Sethawn leh Kawnpui bul, quarry bula kawng chhe nasa in a karcheh avangin zirlaite hi school an tlai phah thin a. Zirlai phurtu lirtheite hi kawng chhe laiah chesual thei an nih avangin fimkhur thuah heng zirlaite hi an nu leh pate hian Zirtawpni zing hian ke in an kalpui ta nia sawi a ni.
Khawtlang hruaitute chuan kawng chhia hi siamthat thuai an duh thu thuneitute hnenah an thlen thin a, awmzia a la awm lo nia thu dawn a ni.