Kawng siam dan tur enho

Tripura National Highway 108 atanga Mamit khawpui luhna kawngpui siam tur chu Thawhtanni khan Mamit-a tlawmngai pawl hrang hrang, political party hruaitute leh PWD Highway Division aiawh bakah kawng siamtu tur company hotuten an enho.
Kawng siam dan tur entute hian Mamit khawpui luhna tur kawngpui chu a theih anga zal leh ngil thei ang berin kal se an duh a, zangnadawmna a awm dawn loh avangin kawng zauhna tura ram neitute chu an ina lenchilha dil nise an ti.
Mamit khawpui luhna tur kawngpui zauh tur hi kilometer 4.5 a thui niin, kawng zau zawng hi meter 8 tura ruahman a ni. Alkatra luan chin tur pawh metre 5.5 a zaua ruahman a ni a, SASCI sum vaibelchhe 9.89 hmanga siam tur niin, kawng siam hna hi Sumati Creative Infrastructure Pvt Ltd in a thawk dawn a, kum hnih chhunga zawh hman tura tih a ni.