Kawng siamna tur cheng vaibelchhe 85.15 hmu tawh

Kawng siamna atan Mizoram sorkarin tuialhthei a\angin chhiah (cess) a la \hin a, heta sum hmuh hi cheng vaibelchhe 84.15 chuang a ni tawh.2024 September-ah kawng siamna atan petrol leh diesel atangin chhiah (Road Maintenance Cess) lak tan a ni a, July thla thlenga sum hmuh tawh hi Rs 84,15,60,267 a ni.
2024-25 khan Rs 13,25,12,578 hmuh a ni a, 2025-26-ah Rs 45,65,46,042 hmuh niin, financial year kal lai 2026-27-ah hian Rs 25,25,01,647 hmuh a ni tawh.
2026-27 hi April-a intan a ni a, April-ah Rs 12,51,46,232 hmuh niin, May-ah 1,11,01,391, June-ah Rs 63,63,346, July-ah Rs 10,98,90,678 hmuh a ni.
2024 September-ah petrol leh diesel man Rs 4 ve vea tihsan a ni a, Rs 2 chu Road Maintenance Cess, Rs 2 dang chu Social Infrastructure & Services a ni. Road Maintenance Cess cheng vaibelchhe 84.15 bakah hian Social Infrastructure & Services Cess pawh chutiang zat bawk chu hmuh a ni tawh.
Kum kal lai 2026-27 chhungin Social Infrastructure & Services-ah pawh Road Maintenance Cess-a sum hmuh zat chiah Rs 25,25,01,647 hmuh a ni tawh.
2024-25-ah pawh Social Infrastructure & Services Cess hi Rs 13,25,12,578 hmuh a ni a, 2026-27-ah Rs 45,65,46,042 hmuh a ni.
Kawng siamna atana sum hmuh tawh dan
8 2024-25 khan Rs 13,25,12,578
8 2025-26 khan Rs 45,65,46,042
8 2026-27-ah Rs 25,25,01,647 a tling tawh
8 Tuialhthei a\angin kawng siam nan Rs 84,15,60,267 hmuh a ni tawh