Kawng tlahniam enfiah
Falkland Venga World Bank kawng lei tlahniam chu PWD minister Vanlalhlana’n Inrinni khan a hmunah enfiahin, siamthat dan tur PWD hotute a sawipui. Lei tlakhniamna hian kawng chanve aia tam mah a lak hek avangin lirthei lian leh full load la tan zawh ngam a ni loa, hei hian harsatna a siam nasa hle tih sawi a ni. Lei tlahniam siamtha tur hian sawrkar chuan kawngpui chhak lam Assam Rifles ram la heka kawng zauh turin ruahmanna a siam tih minister hian a sawi a. AR ram hi land lease siam a la nih loh avangin kawngpui zauh tura ruahmanna hi kaltlangpui theih an inbeisei a, a rang thei ang bera hna tan thuai an tum tih a sawi a ni.