Kawngpui danchah nisarih chhung atan hawng

Union Home Minister Amit Shah ngenna angin tribal pawl te chuan national highway NH2 (Imphal-Dimapur) an dan chah chu June 5 zing atang khan ni sarih chhung atan an hawng.
Hetih hun chhung hian ni tin mamawh pawimawh leh damdawi phurte chuan an paltlang thei ang a, mahse, heng vehicles te hi Central forces te venhimna hnuaiah chauh an kal remtih a ni ang.
He kawngpui pawimawh danchah avang hian harsatna nasa tak thleng tawhin he National Highway hi ni tin mamawh lakluhna ber a nih vang a ni a. May 3-a buaina chhuak atangin Manipur-ah essential commodities man te a sang fer fer tawh hle a, mi pangngai te lei phak a ni hlawm meuh tawh lo. Relief camp-ah chuan rice kg ah Rs 34 te a nih laiin open market-ah chuan kg-ah Rs 50 te a kai tawh a ni.
Pathianni khan Delhi-ah Meitei zirlaite chuan sit-in protest nei ve thungin Manipur-ah nunphung pangngai a awm vat an ngiat a.
Hetih lai hian Manipur sorkar chuan hmun pasarih lai Kuki militant tena an beih mai theih nia an ngaih chhinchhiah bik an nei a. Minister leh MLA te chu Chief Minister chuan thingtlang khuaah awm tura tiin Chief Minister chuan ni tin mamawh leh life-saving medicine te tlakchham a awm loh nana hma la turin a ti bawk.
Minister hlui leh BJP MLA ni mek Karam Shyam chu Imphal East district-ah a cham mek a, mipuite nena inbiakpawhna an nei reng a. “Mipui ten Assam Rifles te nena inrintawnna an nei lo mek a ni. Chu mi siam tha tur chuan eng emaw tih a ngai a. Ngenna siam a ni chungin silaia inbeihna te a la thleng reng a. Thil duhawm lo a thleng zui zel a nih chuan militants (militants a tih te hi tlang mi te anni) leh anmahni buaipuitu ten mawh an phur ang,” a ti.
Ni tinin women activists te chuan State-a remna leh muanna a awm theih nan lungawilohna an lantir reng bawk a. Sorkar chu Kuki militants te nena Suspension of Operations (SoO) siam hnukkir turin an ngen a ni.
A hmain Chief Minister N. Biren chuan a sorkar chuan SoO chu a hnukkir dawn a ti a, mahse Union government inrawlh hnuah thutlukna mumal siain a la awm lo zui a ni.
June 5 atang khan district magistrate te chuan curfew hun pawh thlahdul deuhin zing lam dar 5 atanga tlai lam dar 5 chu zalenin an siam a, heng curfew hian Imphal East, Imphal West, Bishnurpur leh Thoubal te a huam a ni.