Mizo Students’ Union Gen. Hqrs chuan Kolasib district chhung Kawnpui khawtlang enkawl Kawnpui College-ah zirlaiten changkang deuh zawka an zirlai an zir theihna’n corporate social responsibilty kaltlangin leh NTPC (National Thermal Power Corporation) puihna in smart classroom a dah dawn.
June 7 khan hian Bongaigaon, Assam NTPC office-ah MSU leh NTPC aiawhten MoU an ziak a. MSU Gen. Hqrs aiawhin vice president Laldinsanga leh NTPC aiawhin addl. general manager (HR) Shashi Shekhar ten an hming an ziah hnan a ni.
Kawnpui College hi kum 2018 atanga din niin, kum 2020 khan MZU affiliation a hmu a, tunah hian department 6 – English, Mizo, Education, Pol. Science, Public Administration, History awmin, zirtirtu (teaching faculty) 12 an awm a. He College hi Tuirial bial chhung khaw hrang hrang zirlaite tan pan awlsam niin an bawh mek zel tih sawi a ni.
NTPC hotute chuan MSU kaltlanga Kawnpui College-a smart classroom dah a ni tur chu lawmawm an tih thu an sawi a. He inremnaah hian Kawnpui College-a smart classroom siamna turah NTPC hian Rs. 3,80,314 a tum dawn a ni.
MSU vice president chuan Mizorama khawtlang enkawl zirna in a tam thu leh zirna hmasawnna atan CSR kaltlanga project siam tur tam tak a awm thu a sawi a. Theihtawp chhuahpui zel turin a ngen. NTPC hotute chuan project dang siam a, thehlut leh thuai turin MSU hruaitute hi an chah a, project dang a hlawhtlin leh nan theihtawp an lo chhuah tur an sawi a ni.
Kawnpui College-a smart classroom dinna atan MSU leh NCTP thawkdun
Get real time updates directly on you device, subscribe now.
Next Post