Kawppuite leh chhungte inngeih lo, engtin nge i tih ang?

I nupui/pasal leh i chhungte an inngeih loh chuan buaithlak duh tak a ni. Chutiang bawkin nupui/pasal atana i duh chu i chhung ten an duh pui loh tlat che chuan buaithlak tak a ni tho bawk. Chutiang hunah chuan rilru tihaha indawm kun mai lova tih dan tur tha a awm niin relationship lama mithiam ten an sawi a, chu chu kan rawn tarlang e.
1. A tha berah chuan i chhungte chuan duh lo hle mah se i dam chhunga i kawppui atan ani chu i thlang a ni tih an hriatthiama an pawm theih nan hun i pek deuh a ngai. A rei hnuah zawng an inkar boruak te pawh a tha ve leh mai thin a nia. Kan nghah peih loh vangin buaina zakhua kan thlen thin mai zawk pawh a!
2. In inneih rei ve viau tawh hnuah pawh an inkar boruak a tha thei chuang lo a nih chuan a chhan i zawn chhuah a tul. I chhungte nen an lo inhau thin em ni? tih te thlengin i zawn chuah a ngai. A inrem theih lohna chhan ber i hriat tawh chuan a chinfel dan kawng i zawng thei tawh ang.
3. Hetiang boruaka tihdan tha tak pakhat chu i kawppui (nupui/pasal) leh i chhungte chu i titi pui a, an harsatna te chinfel dan tur i sawipui theih a tha hle. Nangmah kha hma latu tur ber chu i ni. I kawppui leh i chhungte chu an harsatna te sawiho theihna hun i zawn thiam a tha hle ang.