Tattoo-in vun cancer risk tisang

Tattoo-in vun cancer risk tisang
Tunlaiah tattoo kan intih hmuh ve ta riau a, a bikin thalai zingah a lar thar hle a, mahse, doctor-te chuan tattoo hian vun cancer risk a tisang thei niin an sawi.
Tattoo chhut nana an hman a tui (ink) hian mihring tana tha lo a pai thei a a, chu chuan vun cancer a siam thei niin an sawi a, a bikin a tui pawl (blue ink) hian cobalt leh aluminum a pai avangin cancer risk a tisang lehzual niin an sawi.
A tui sen (red ink) pawhin mercurial sulfide a nei a, tattoo chhut nana hmang thin tui rawng nei (colored ink) hian a tlangpui thuin lead, cadmium, chromium, nickel, titanium leh thir lam chi thildang an pai deuh vek bawk a ni.
B.L.K. Hospital, Delhi-a plastic surgeon Dr. D.J.S Tula chuan, “Tattoo chhut nana hman te hi a thianghlim tawk loh chuan thisen atanga inkai chhawn thei HIV, Hepatitis B leh C bakah vun cancer thenkhat- squamous cell, carcinoma leh melanoma te a thlen thei.
“Tattoo nei zawng zawngin vun cancer an nei vek kher lo. Mahse, tattoo chhutu ten a tui (ink) an hmanah hian tûr (arsenic) a awm deuh vek a ni. |halai tam zawkin tattoo-in vun a tihchhiat theih dan hi an hre lo. Design thenkhat phei chu vun chhung thuk takah a tui a lut a, chu chuan vun leh tihrawl a tichhe thei a ni,” a ti.