Kawppuite rinawm loh san phahna tlak a ni em?

Kawppuite rinawm loh san phahna tlak a ni em?
Nupa kara inrinawm lohsanna hi hmanlai atanga thil thleng ve reng a ni a, hmanlai aiin tunlaiah a hluar ta hle tih mai a ni. |henkhat chu an nupa nunin a chhiat phah a, thenkhat erawhin an chhiatphah lem lo.
Infidelity Facts website chuan kawppuite laka rinawm lo 41% chuan an rinawm lohna an pawm niin an tarlang a, Sarika Pilot Chaudhry chuan, “Thil thar a ni lo va, mahse, tunlaiah chuan thil reng reng hi a langtlang ta deuh zawk a ni,” a ti.
|henkhat chuan an kawppui te lakah an tih tur leh mawhphurhna engkim tha taka an tlingtlak vek tho avangin engmah inthiam lohna pawh nei chuang loin an rinawm lo mai a. An nupa nunin a tawrh phah chuang loh avanga inkiltawih tehchiam lo va hetianga khawsa mai hi an awm.
Psychiatrist Dr Himanshu Saxena chuan India-a mipate pawhin mipat hmeichhiatna lama an sukthlek puanchhuah leh tihlan an hreh tawh lo telh telh niin a sawi a, “Nupa nun a nawm loh hian rinawm lohna hi a awm duh hle a. Inngaizawng pawh ni lem lo, chhungte sawirem avanga inneihnaah hian nupa inkara tek deuh sek sek kha a awm lo palh thei a, chutiang hunah chuan an kawppui ten khaw dang hawi an awlsam. Nupa nunah harsatna a awm chuan mithar an rawn lang vat mai thin,” a ti.
|henkhat chuan an mipat hmeichhiatna lama kim lo emaw, romantic taka tlakchham nei, an duh khawp lohna te phuhrukna tur an zawng a. An kawppuite tan an mawhphurhna leh tih tur engkim an tih vek tho avangin inthiam lohna pawh nei lem lova nupa nun pawn lama kawppui lo nei ta te pawh an awm.
|henkhat chuan mipat hmeichhiatna ngawr ngawr an ngaihtuah ve thung. An kawppui te hmangaih tak chungin, nupa inthen duh hauh lo chungin, mahse, an kawppui ten mipat hmeichhiatna lama an mamawh an phuhruk zawh loh avanga nupa nun pawnlama mamawhna phuhrukna tur zawng ta an awm bawk.
|henkhat chu nuam an ti ve hrim hrim. Mipat hmeichhiatna lama duhkhawp nei lo, thil thar tawn chak ta reng reng a vir kual an awm ve bawk.
A nih leh nupa nun pawn lama hlimna zawn chu a hlutna, hlimawmna leh nawmna khan a phu reng em? Nupa nun tihchhiat phahna tur khawpah i ngai em? Nangmah inzawt rawh le. Thil reng reng kan chhiat phahna tur zawk a nih hmaa kan kalsan theih a pawimawh hle a ni. Rilru lama kan mamawh emaw, mipat hmeichhiatna a kan mamawh a ni emaw, a tawpah chuan kan chhungkua- kan kawppui te leh kan fate tho lo chu hawna tur dang kan nei chuang si lo!