KC TVS-in Hnahthialah huang an zauh

KC TVS-in Hnahthialah huang an zauh
Mizoram dealer KC TVS chuan huang zauhin, Hnahthial-ah branch an hawng a, Mizoram dealership chuan Indian two-wheeler brand TVS chu belchian a dawl tih an sawi a, an branch thar hi Electric Veng, Police Canteen bul Hnahthialah hawn a ni.
KC TVS branch thar Pastor T Lalawia’n Pathian hnena hlanna hun a hmang, an hmunpui, Aizawla showroom manager Lalhmangaihsanga leh network manager Michael Lalchhandama ten telpuiin, a lawm nan Hnahthial District Inter-Branch YMA Basketball Tournament an sponsor dawn a ni.
November 2022 khan Bawngkawn Aizawlah KC TVS showroom hawn a ni a, lirthei ke hnih nei 9000 vel hralh tawhin district hrang pasarihah sub dealer an nei tawh a, kum hnih leh thla ruk a tlin hmain sub dealer pangngai chiah ni lo mah se an hawn belh leh a, Hnahthial bik hi branch anga kalpuiin an hmunpui Aizawl aangin an enkawl zui rih dawn a ni.
KC TVS chief executive officer Kevin Vanlaltlana chuan anmahni duhsaktu Mizo mipui zarah hma an sawn zel avangin lawmthu a sawi a, Indian company a nih angin TVS-in hamhatna a nei a, an lirthei siamte thiamna leh hatna lamah a sang a, chutihrualin a man a tlawm a, a tlovin spare part pawh a tlawm bik a, mipui nawlpui banphak leh zual a nih thu a sawi a. Ram dang thil ngaihsan avanga India siam chu ha lo tura ngaihna an nei hin te chu TVS bel chiang turin a sawm a, Indian motorcycle company lian ber pawl a nih angin Asia ram 80 chuangah an lirthei hralh chhuah tawh a ni a, BMW Motorrad nen thawk dunin Europe-ah pawh an lut tan chho mek a ni.
Kevin-a chuan, “Lirthei lam tuimite chuan TVS hi ‘Engineering company’ an ti deuh bik kher hin a, an thil siam hi an duh tuiin Indian company-ah chuan technology thar, India mite hlui hmasatu an ni zel a ni,”