Kerala CM thar tur Satheesan

Last updated May 15, 2026 3 0

Kerala CM thar tur Satheesan
VD Satheesan chu Kerala chief minister thar a ni dawn tih Congress chuan Ningani khan an puang ta a, ni tam tak an nghah a nih hnu leh party hotu lianten sawihova an ngaihtuah hnuah an puang a ni.
Chief minister thar tur puan hi Congress kaihhruai United Democratic Front (UDF)-in Kerala-a kum 10 chhung an state-a Left rorelna an tihtawpa hnehna an chan hnu ni 10 chuang hnuah a ni.
May 4-a inthlan result puan a nih hnuah state dang chuan chief minister leh sorkar thar an siam a, Kerala-ah hian Congress chuan chief minister tur hi an puang thei lawk lo va, nasa taka inrawn a ni.
Thutlukna hi Kerala Pradesh Congress Committee (KPCC) hruaitu eng emaw zat leh an hruai unit hotu hluite chuan Delhi-a party hotu liante an kawm hnuah an tifel thei ta chauh a ni.
Chief minister tur hian Satheesan-a bakah KC Venugopal leh Ramesh Chennithala te pawh sawi rik rin pawl an ni.
“Congress worker nuai tam tak leh team UDF-te puihnain ka tihlawhtling a ni,” tiin chief minister atana tih a ni tih puan a nih hnu lawkah Satheesan-a chuan a sawi.
Party chhunga Rahul Gandhi-a thachhangdawltu ber, Venugopal-a chuan party thutlukna a rintawk thu a sawi bawk a. Alappuzha MP chuan, “Ka lungawi a. Party hotu liante thutluknaah hian ka pawm thlap,” a ti.
“Kerala chief minister atana thlan a nih avangin Satheesan hi ka lawmpui a, amah leh UDF sorkar tan a theihna zawng zawng a pe ang,” a ti bawk.
Kerala-a Paravur bialtu, MLA pawh vawi ruk lo ni tawh, Satheesan-a hi Nilaini khan Delhi-a thuthar lakhawmtute kawmnaah Kerala Congress Legislature Party hruaitu atan thlan a ni.
Satheesan-a hi an party chhung bakah a thawhpui pawimawh, Indian Union Muslim League (IUML) leh Kerala Congress (Joseph) te pawhin an thlawp viau bawk.
Kerala High Court-a ukil hna thawk mek, Satheesan-a hian kum 2001 khan North Paravur, Ernakulam district atangin Kerala Assembly-ah thlan tlin a ni a, kum 25 chhung zet chu Paravur bial aiawhin a awm tawh a, tun hi a zawna a term rukna a ni.
Congress-a youth wing Kerala Students’ Union aiawhin MG University Union-ah chairman a ni.