Kg 60 a rit a kuta in-pass tawnin record siam

David Rush tih chuan Guinness World Record tihin a zui nghal zet zel tawh, tunah pawh record a siam thar leh ta a, a hmaa a record khumin a dumbbell pound 130.5 (kg 59.193804) a rit chu a kut ding leh vei lamah vawi 100 a in-pass tawn a, record thar a siam. A record siam chu kut ding leh vei lama thil vawiin 100 in-pass tawn rit ber a ni.
David Rush hian a hmain hetiang record hi a lo siam tawh a, chumi tum chuan pound 107 (kg 48.5344) a rit chu vawi 100 a in-pass tawn a, mahse, he record hi Irfan Mehsood-a’n rawn khumin, ani hian pound 115 (kg 52.1631) a rit chu vawi 100 a in-pass tawn a, he record hi Rush bawk hian a rawn khum ve leh ta a ni.
David Rush hian Guinness World Record 250 chuang a siam tawha, kuminah hian 300 tlin hman tumin bei mek a, a khat tawkin record thar a siam deuh reng mai a ni.