Khatla Peter Street – Tennis
Court-a lirthei tlan loh hun
Sikulpuikawn leh Khatla kawnah lirthei veivak tam zual laia traffic jam a ziaawm theihnan zing dar 9.00 atanga chawhma dar 10.00 inkarah Khatla Peter Street atangin Tennis Court/ Aijal Club lamah, dan tlawhchhan hmangin City Bus leh a tlukpui bus dangte huam loin lirthei dang tlan phal a ni lo tih senior SP Traffic Aizawl chuan mipui a hriattir.
He thupek hian sawrkar chawlh, Inrinni leh Pathianni a huam lo a. 2024 December 6 atanga hman tan tur niin, emergency kaihhnawih leh dan leh thupek pawimawha duty-te chetvelna erawh a huam lo tih a sawi.
Traffic SP vek hian dan tlawhchhan hmangin mipui hriattirna dang a siam a. PWD-in Venghnuai Presbyterian biak in atanga Venghnuai field inkar kawng siamthat hna (RCC pavement) an thawh avangin, November 30 thlenga kawng khar tawh chu, kawng ro that hun (curing period) la nghah a ngaih avangin December 7 (Inrinni) thlengin helai kawng hi khar chhunzawm a ni dawn tih a sawi bawk.
Khatla Peter Street – Tennis Court-a lirthei tlan loh hun
Get real time updates directly on you device, subscribe now.
Prev Post
Next Post