Khaw 170 velah sazu puang tawh

Khaw 170 velah sazu puang tawh
Mizoramah thingtham sazu a puang mek a, chhinchhiah theih chinah district hrang hranga khaw 170 velah sazu hi a puang tawh.
Agriculture & farmers’ welfare department-in an chhinchhiah danin, district 11-a khaw 170 velah sazu hi a puang tawh a, ram pawh hectare 7634.754 vel sazu puang hian a nghawng tawh. Hectare 7634.754-ah hian hectare 2331.154 vel chu a vaiin sazu puang hian a tichhia a ni.
|hingtam hi mautam ang bawka hun bi nei a ni a, kum 50 vel dana thleng thin niin, kum 48 danah a thleng thin tia sawi pawh an awm. |hingtam hnuhnung ber chu 1977 kha a ni a, kuminah a thleng leh dawn tih hi hriat lawk a ni.
Mautam laiin mau a par ang deuh hian rawthing a par a, sazu puangin a zui thin. Sazuin a rualin lo/huan an bei a, buh leh thlai an ei nasat avangin buh leh thlai tam tak a chhe ta thin a, chu chuan tun hma chuan tam a thlen thin a ni.
Tunah pawh sazu puang hian buh leh thlai a tichhe nasa tawh a, ram hectare 2331.154-ah chuan buh leh thlai zawng zawng a chhia a, seng tur a awm tawh lo. Thu dawn danin, sazu puangin a tichhiat tam ber buh a ni a, mai, vaimim, sawhthing, hmarcha, fu, dawnfawh, be leh fanghma thlengin sazu puang hian a tichhia a ni.