Khaw vawt vin takin US khawchhak lam tuam

Khaw vawt vin takin US khawchhak lam tuam
US-a thlasik vawt bing tak thawk mekah thlawhna 4,000 chuang thlawk chhuak leh lut tur thulhtir an ni a, mi 2,10,000 chuangin electricity an nei lo va. Khaw vawt na tak hian khawthlang lama Texas atanga a chhak lam zawng a tuam mek.
Khawchin thlirtute chuan vur nal chi leh ruah vawt tak thawkin khua a vawt dawn hle tih an sawi lawk a, an ram khawchhak lam hmun thuma thena hmun hnih vel kartawp (India-ah chuan Thawhtanni vel thleng) chhungin a tuam dawn tih ans awi lawk.
President Donald Trump-a pawhin Inrinni kahn South Carolina, Virginia, Tennessee, Georgia, North Carolina, Maryland, Arkansas, Kentucky, Louisiana, Mississippi, Indiana leh West Virginia-ah sorkar laipui atanga emergency disaster puanna tur a pawm.
“Kan thlir a, kan ngaihven reng a, a tuar thei tur state zawng zawng nen kan inbe reng a. Him leh lumin lo awm rawh u,” tiin Truth Social-ah a tar lang.
State 17 leh District of Columbia-ah weather emergency puan a ni tih Department of Homeland Security chuan a sawi.
“Chhim lama state eng emaw zata cheng chhungkaw sang telin power an nei lo,” tiin DHS Secretary Kristi Noem-i chuan Inrinni chawhnu (India-a Pathianni zing) khan a sawi a. “Thawktuten a rang thei anga pek leh turin an bei mek,” a ti.
Power nei lo hi an pung zel dawn a. Pathianni zing dar 2:00 (India-a Pathianni chhun dar 12:30) khan chhungkaw 2,17,000 velin electricity an nei lo va, a tam ber hi Louisiana, Mississippi, Texas leh Tennessee-ah an ni tih PowerOutage.com chuan a tar lang.
Department of Energy chuan Inrinni khan emergency order tichhuakin Electric Reliability Council of Texas chu date centre leh hmun pawimawh bikah generation chhawp turin an ti.
National Weather Service chuan khaw vawh ber tum leh thli vawt na takin Thawhtanni hian Great Plains region a nuai danw tih an sawi bawk.
Inrinni zan dar 10:21 (India-a Pathianni zing dar 8:51) khan Inrinnia chhuak tur thlawhna 4,000 chuang thulhtr an ni tih flight tracking website FlightAware chuan a tar lang a. Pathianniah phei chuan 9,400 chuang thulhtir an ni dawn.
US-a airline liante chuan an thlawhnaa chuan tumte chu thlawh hun tihkhawlai leh thulhtir an tam avangin inreng renga awm turin an chah.
Electric grid operator-te chuan inen chhawp a ngaih lohna turin hma an la mek bawk tih an sawi.
Noem-i chuan US sorkar chuan khaw vawt bing na tak thleng tur atan a inbuatsaih tih a sawi a, American-te chu thuneitute atanga thuchhuak ngaichanga ngai pawimawh turin a ngen.
“A vawt hle dawn tih sawi a ni a. Mi tinte tuialhthei, ei tur leh mahni mamawh dap khawma he hun khirh paltlang thei tura inngaihtuah theuh turin kan ngen a ni,” a ti.