Khawpuia bawlhlawh sawngbawlna atan centre puihna dil

Khawpuia bawlhlawh sawng
bawlna atan centre puihna dil
New Delhi-a cham mek UD&PA minister K Sapdanga chuan Zirtawpni khan Union minister for Housing and Urban Affairs Manohar Lal a hmu a, Mizorama khawpui tih hmasawnna tur a sawipui.
UD&PA minister hian Mizoram khawpuiten hma an sawn theih dan tur sawipuiin, heng zingah hian khawpui chhungah khuarel chhiatna laka invenna tur tui luankawr tha tak neih a tul dan, bawlhhlawh sawngbawl kawnga Mizoram hmasawn theih dan tur leh hemi kawnga sawrkar laipui puihna an mamawh dan chu ngaihpawimawh zual a ni.
Mizoram minister hi Ministry of Finance-a Department of Expenditure secretary Vuanlunmang Vualnam, IAS nen an inkawm zui a. Mizoram sawrkar, a bikin UD&PA department-in chak zawka hna a thawh theihna tura central atanga sum hmuh tur la tang mekte sawipuiin, DoE secretary hian a lo bawhzui tur thu a hrilh a ni.