Khawvela ar upa ber
Michagan, USA-a arpui, a hminga Peanut an tih chu kum 20 a ni tawh a, Guinness World Record-in khawvela ar upa berah a puang. Peanut hi 2002-ah a keu a, March ni 1, 2023 khan kum 20 leh ni 304 a upa niin, Guinness World Record a siam ta a ni.
Peanut hi bantam breed- Belgian d’Uccle/Nankin mix a ni a, a keu hlim atangin Marsi Darwin-i’n a la enkawl char char a ni. Marsi chuan, “Peanut pawh a upa ve ta a, mahse, a la chak tha hle a ni. A hriselna pawh a tha a, a no tam tak bakah, ui leh zawhte thenkhat a kawm thin te pawhin mual an liam san tawh,” a ti.
Peanut kum hi ran doctor, Dr. Julia Parker-i’n a endik a, ani hia Peanut hi 2003 atangin a lo hre tawh a ni. Ar te hi dan naranin kum 5 atanga kum 10 an dam thei niin mithiam ten an chhut a, chhin chhiah theih china ar damrei ber record chu Muffy niin, he ar hi Red Quill Muffed American Game a ni a, kum 23 leh ni 152 a dam a, 2012 khan a thi ta a ni.
Peanut hi a keu hmain a puiin awp chhunzawm duh loin a kalsan a, Marsi hian a hnuah artui chu hmuin, a chhe tawha ngaiin a paih mai a, mahse, arte chiap ri a hre zui a, a heng kheh sakin arte chu a la chhuak a, chuta tang chuan Peanut chu a enkawl ta a, Peanut pawhin a ngaina ta nghal tlat mai a ni. Peanut chu a puiin a hruai ve duh lo va, hei vang hian Marsi chuan a bawm siamin, in chhungah a enkawl ta a ni.
Khawvela ar upa ber
Get real time updates directly on you device, subscribe now.
Next Post