Khawvela kel tawi ber
Kerala, India-a ram vulhtu Peter Lenu kel vulh pakhat chu Guinness World Records-in khawvela kel tawi berah a puang. Peter-a kel hi a puitling tawh niin, feet 1 leh inches 3 leka sang a ni a, chhinchhiah theih china tuna kel damlai zinga tawi ber niin Guinness World Records-in an tarlang.
He kel hi 2021 a piang kha niin, a hmingah Karumbi an ti a, Canadian Pygmy kel niin, hetiang kelho hi an lian vak ngai lo a, an ke hi inches 21 aiin a sang ngai meuh lo a, Karumbi hi hetiang kelhoah rau rau pawh a tê lehzual a, a ke hmalam leh a dar hmalam vum laia tehin feet 1 leh inches 3 chauh a ni a, a sei zawng pawh feet 1 leh inch 1 chauh a ni bawk.
Karumbi hian no vawi khat a hring tawh a, tunah hian no a pai leh mek bawk. Peter hian he kel hi record siam nan a hman theih tih lam a lo ngaihtuah ngai bik lo a, a ran vulhna tlawhtu ten Guinness World Records a siam theih an rinthu an sawi hnuah hetiang lam hi a ngaihtuah ve ta chauh niin a sawi.
Khawvela kel tawi ber
Get real time updates directly on you device, subscribe now.