Khawvela lei hlai ber
Lehkhathawn a envelope char dawna liah huh ngaih hunlai kha ni se chu a liak huh tha thei dup dup ngawt ang. Mihring puitling lei (tongue) hi a nawlpui thuin 4.8 cm (inches 1.9) vela hlai a ni thin a, Brian Thompson-a lei hi chu 8.88 cm (inches 3.49) lawih a hlai a ni ve thung a, Guinness World Records-in khawvela lei hlai bera an puan lai a ni.
Lei hlai record siam hmasa bertu chu Amandeep Heer a ni a, 2004 khan record a siam a, a lei hglai zawng chu 7.6cm (inches 3) a ni. Mahse, a kum leh maiah Australian, Jay Sloot chuan he record hi 0.3cm -in rawn khum, Jay-a record erawh a ding rei viau a ni.
2013-ah Byron Schlenker chuan an khaw library-a lehkhabu chi hrang hrang a bih kualna lamah Jay-a record hi a hmu fuh a, ani pawh mahni tawka lei nei lian lo inti ve sa a ni a, a haw lam chuan record a siam theih a ring ta tlat. Tichuan an han teh ta a, cm 7.9 (inches 3.1) a hlai a lo ni reng mai. Tichuan record a siam ta.
Byron-a lei hi a la len belh ta zel a, kum khat hnua a lei an teh nawn leh chuan 8.57 cm (inches 3.37) a lian a lo ni tawh. Mahse, Byron-a record pawh hi kum 58 mi, Brian Thompson chuan a rawn khum ve leh ta a ni.
Khawvela lei hlai ber
Get real time updates directly on you device, subscribe now.
Next Post