Khawvela lip balm chi hrang ngah ber

Lip balm chu thlasik laiin kan hmui hrep tur ven nan kan hman nasat thin em ni. Hetiang lip balm chi hrang hrang la khawmin, Hong Kong hmeichhe naupang, Scarlett Cheng chuan Guinness World Record a siam a, khawvela lip balm chi hrang hrang khawl khawm hnem ber a ni.
Scarlett hian hmeichhe naupang kum 3 mi lek a nih lai atangin lip balm a hmelhriat tan tawh a, a nu leh a pi ten a hmui ro lutuk tur ven nen an hnawih sak thin. Kum 5 mi a nih chuan lip balm chi hrang hrang a lak khawmah a tui tawh hle a ni.
Khawvel hmun hrang hranga lip balm te a lakhawm a, kum 7 a tlin chuan lip balm 3,388 la khawmin Guinness World Record a siam ta a ni.
Scarlett chuan, “Thlasik chawlh laiin kan chhungin Japan-ah kan zin a, khua a ro em em mai a, ka hmui a rep ta a, ka lip balm kan hmu zo ta lo a, tichuan dawr pakhatah kalin lip balm kan lei a, chuta tang chuan lip balm lakkhawm ka tuipui tan ta a ni. Lip balm chi hrang hrang a lo awm a, a rawng leh a bawm awmdan bakah a rim leh flavour thleng thlan tur a lo tam hle mai a, pakhat mai ka duhtawk thei ta lo a, ka duh zual deuh te chu kan lei ta vek mai a ni,” a ti.
Scarlett hian naupang tein a thil tuipui zawng chu record a siampui thei a, “I ngainat leh tuina te chu ti zel rawh, thil theih loh tak tak hi a lo awm lo,” a ti bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More