Chinese crested an tih ang chi, ui, kum 7 a upa, a hming Scooter chu California-a kumtina an neih thin World’s Ugliest Dog contest-ah pakhatna a ni. He ui hmelchhe zet mai hi a ke hnunglam a la bai lehnghal!
Scooter hi Tucson, Arizona a cheng Linda Celeste Elmquist-i ui a ni a, Elmquist chuan, “Khawvela ui hmelchhe berah Scooter an thlang hi ka hlimin Scooter hi ka chhuang hle a ni. A ke hnunglam chhia nen, nitin harsatna tam tak a hmachhawn ve a, tum ruhna leh tih hram hramna pawimawhna min zirtirtu tha tak a ni,” a ti.
Ui hmelchhe ber dawttu chu Wild Thang a ni a, he ui pawh hi kum 7 a upa tho niin, Pekingese ui a ni ve thung a, a neitu chu Ann Lewis a ni. Pathumna chu Sabrina Impelido ui, Chihuahua, kum 16 a upa, Harold Bartholomew a ni ve thung.
He ui hmelchhe thlannaah hian online vote hmanga mipuiin hmelchhe bera an thlan chu, Dane Andrew-a ui vulh Rascal Deux a ni ve thung.
Elmquist chuan Scooter hi Tucson animal control hnenah Saving Animals From Euthanasia pawl ten an chhanchhuah an hlan leh chhawn, chuta tanga a lak tak chu niin a sawi.
Khawvela ui hmelchhe ber Scooter
Get real time updates directly on you device, subscribe now.
Next Post