Khawzawl district-a PwD awm zat zirchiang dawn

Artificial Limbs Mfg.Corp. of India (ALIMCO) chuan Khawzawl district-a phianphunga harsatna bik nei (Person with Disability) awm zat leh pianphunga harsatna an neih te zirchian leh thliar hna an thawk dawn a. Hemi chungchang hi Thawhtanni khan district bawrhsap K Vanlalhlana hoin sawiho hmasak a ni.
Khawzawl addl DC Lalfakzuala sawi danin, ADIP scheme hnuaiah rualbanloten leirem an rah a, sawrkar atanga hamthatna tam thei ang an hmuh theih nan ALIMCO hian an district-ah July 29 atanga August 1 inkar chhung Reg-Assessment Camp an nei dawn a. He assessment camp hi rualbanlote dinhmun hriatchianna a nih dawn bakah rualbanloten sawrkar atanga hamthatna an dawn tur ang an dawn ngei theihna atan thil pawimawh a ni.
Khawzawl district-a hamthatna dawng theiten PwD Assessment-ah hian a tam thei ang ber an inziahluh theihna atan, hamthatna dawng theiten inziaklut tura document an neih kim theih dan tur bakah assessment ti tur team buaipuia dawnsawn dan tur rel a ni.