Khawzawl helipad bulah thing phun

Khawzawl Florist Association chuan Thawhtanni khan Khawzawl Mualvawm Helipad chhehvelah Araucaria thing tiak phunin an hnatlang a, district bawrhsap K Lalrohlua’n a tawiawm.
Bawrhsap chuan Khawzawl Florist Association (KFA) in Mualvawm Helipad chhehvelah Araucaria thing tiak an phun chu lawmawm a tih thu leh KFA hnatlang chu remchangah hmangin KTP Vengsang Branch leh MUP Darngawn Unit pawh helipad leh a chhehvel samfaiin an thawk chhuak tih a sawi a. Thing tiak chu a phunah duhtawk mai loin, an puitlin theihnan enkawl chhunzawm zel a pawimawh tih a sawi.
KFA member hi mi 15 thawkchhuakin Vengsang KTP member 85 leh Darngawn MUP member 40 vel an thawk chhuak a. Thing tiak 20 an phun bakah helipad leh a chhehvel an samfai a, thing tiak phun hi an hung tha nghal vek a ni.