January hi Mizoram vawh thla a ni a, kuminah thla laihawl vel a\ang khan mipuiin vawt an ti zual tiin a sawi theih ang. A tehna lamah erawh a hniam vak lo a, a degree Celsius zawng chuan a la vawt vak lo.
-- Advertisement --
Directorate of Science and Technology enkawl State Meteorological Centre-in an chhinchhiah danin, January ni 19-ah khan Aizawl vawh ber laiin 10 degree Celsius a ni a, hei hi kumin a hniam ber tum a la ni.
Lum leh vawt tehnaah hian ni khata a vawh ber lai leh a lum ber lai an chhinchhiah thin a, January ni 19-ah hian a lum ber laiin 19 degree Cesius niin, 19 degree Celsius hi a lum lem lo. A vawh ber lai hi a vawt lutuk lo a nih pawhin a lum ber laiin a lum lutuk lo a nih chuan, chumi ni chu mihring chuan vawt a ti thin tho.
January ni 18-ah khan a vawh ber laiin 11 degree Celsius a ni a, a lum ber laii 18 degree Celsius a ni.
|um dang nena khaikhinin nikum December leh January hi a tehna lamah chuan a la vawt lem lo; nikum December ni 30 leh 31-ah khan a vawh ber laiin 12 degree Celsius ve ve a ni.
A degree Celsius zawngin a vawt vak lo a nih pawhin lum leh vawt thu-ah hian thil pawimawh hrang hrang a awm a, Mizoramah chuan thli a thawt deuh reng avangin, thlasik tivawttu a ni thei. Tun hnaiah khua a dur \hin a, hei hi khua tivawttu a ni thei bawk. Kuminah ruah a la sur lo thung.
State Meteorological Centre-in an chhinchhiah danin, Aizawl vawh ber tum, 2017 January ni 13-ah khan a vawh ber laiin 2.7 degree Celsius a ni. Kumina a vawh ber lai 10 degree Celsius nen chuan inthlau tak a ni.