inga zan khan French Ligue 1 champion leh Saudi All-Star XI te chuan King Fahd Stadium ah friendly match an khel a. Football khel mek zingah footballer tha filawra ngaih pahnih; Lionel Messi leh Cristiano Ronaldo te an langsar a, goal an thun ve ve.
-- Advertisement --
Friedly match ngaihven hlawh takah hian inkhel \an a\anga minute 3-na lekah Lionel Messi chuan PSG hmahruaina goal a thun. Messi goal thun hi minute 33-naah Cristiano Ronaldo chuan penalty atangin a sut a. Ronaldo hian minute 45+6 ah Riyadh All-Stars XI goal hnihna a thun leh bawk. Saudi ah player ropui pahnih an inlan, goal an thun ve ve hian boruak a siam hle. Messi hian Ronaldo ang thovin goal hnih thun theihna hun tha a nei a, Neymar-a’n penalty pettir a tum a hnar a. Neymar hian penalty hi ho takin a \helh zui nghe nghe.
Riyadh All-Stars XI an hmachhawn tum hian minute 39 na lekah Juan Bernat hnawhchhuah ni bawk mahse PSG tan Marquinhos, Sergio Ramos, Kylian Mbappé leh Hugo Ekitike ten goal khat \heuh an thun a. PSG an chakpui tho thung.
Riyadh All-Stars XI tan hian Ronaldo bakah Jang Hyun-Soo leh Anderson Talisca ten goal an thun ve bawk a, an mualah an tlawm ta tho thung.