Kim Yo-jong-i’n South Korea nena inbiak an inpeih thu sawi

North Korean hruaitu, Kim Jong-un-a farnu chuan an inkara hmelma anga inenna boruak a reh chuan South nena inbiak chhunzawm an inpeih reng niin a sawi.
Kim Yo-jong-i hian South lam atanga official taka Korean War tihtawp an duhna chu a chhang.
Korean ram hnihte hi an indo hnuah inkahna hi kum 1953 khan an titawp tawh a; mahse, an tawp dan hi inkahhai ang chauh a la ni a, inremna (peace treaty) an la ziak lo.
Ram pahnih hi la indo reng ang an ni a, an inkarah pawh boruak lum tak tak a thleng fo bawk.
Kum hmasa lam khan South Korean President Moon Jae-in chuan Korean pahnih leh an thawhpui, anmahni thlawptu United States leh North-in ei bar lama a tlawhpawh ber, China te nena dan pangngai anga an inkar chin fela ram hnih inkara muanna siam a duh tih a lo sawi tawh a.
He ngaihdan hi North Korean minister lawk tak pakhat chuan tul a tih loh thu a sawi zui tawh a; mahse, rin loh taka sorkar chanchinbuin Kim-i thuchhuah a tar lanah chuan ‘bengkhawn tlak’ tiin a sawi a ni.
Inbiakna nei tur erawh chuan South lamin hmelma ang maia ena an chet dan (policy) an tihtawp vek hnuah chauh a theih dawn niin a sawi bawk.
“Keinin mahni inven ve theihna chanvo kan neih laia tih dan tha lo tak te, hmelma anga inen tlanna te hi an dah bo a ngai hmasa,” a ti.
“Hetianga an ti thei dawn a nih chuan indona titawp tura thutkhawma hmaichhana inbiak a chu a theih reng a ni,” a ti bawk.