King Charles khum tur St Edward’s Crown

May ni 6-ah St Edward’s Crown chu King Charles III khumtir a ni dawn a, kum za tel kaltaa tih thin dan anga kalpui zui zelna tur a ni.
He lallukhum hian Tower of London a chhuahsan khat hle a, chutah pawh lakchhuah a nih hnuah pawh darkar pawh tling lo vel chauh King Charles-an a khum ang a, nakina lal thar khum tura dah let leh zui a ni ang.
Queen Elizabeth thih hnuah Chrales chu King a ni nghal chungin lallukhum khumtirna erawh puithu taka la neih loh a ni a. He hunah hian St Edward’s Crown chu hmuh theihin a awm dawn a ni.
He lallukhum hi gold carat 22 hmanga siam niin kum 360-a upa a ni tawh a, 30cm (1 ft) a sang niin a rit hle bawk a, 2.3 kg laia rit niin dawnfawh lian tak tia vela rit a ni.
St Edward’s Crown hi khum hnuhnung ber chu Queen Elizabeth II niin kum 1953 khan Lalnu ni tura khumtir a ni a, khata tanga kum 70 chhungin Tower of London a chhuahsan meuh lo.
Kum 2018 khan documentary thilah lakchhuah niin khatah khan Queen chuan “A la rit reng em?” tiin a zawt nge nghe a, a hnuah a chawi hnuah ‘Ton vela rit a ni’ tiin a sawi zui.
He lallukhum hian jewel leh gemstone 444 lai a nei a, chung te chu sapphires, rubies, amethysts leh topaz man to ber ber te an ni hlawm a, a tlangpuiin a pawl lam leh hring pawl lam an ni deuh vek a, enamel leh gold mount anga siam an ni hlawm.
Crown-a stone te hi laksawn theih niin coronation dawna hawh theiha siam a ni thin a. Mahse, kum za bi 20 khan lallukhumah laksawn theihloha phum a ni zui ta hlawm.
He lallukhum hi kum 1661-a Charles II tana siam a ni a. Anglo-Saxon king leh saint, Edward the Confessor lalukhum ang mila siam a ni.
Edward’s crown hi holy relic anga ngaih niin kum za tel chu coronationa hman thin a ni tawh a. Mahse, kum 1600 khan King Charles I chu Oliver Cromwell an a tihhlum hnuah rawhtuiin a awm a.
Cromwell thih hnuah royalty tundin a nih leh hnuah King Charles II chuan crown jewel thar siam tur tiin chung zingah chuan St Edward’s Crown pawh hi a tel a ni.
Edward’s crown original kha chuan jewel a nei mang lo an ti a. Mahse, Charles II version erawh chu diamond leh gems a cheimawi niin khatihlai khan 500 pound lai sen niin Crown Jewels historian Anna Keay chuan tun ang hunah chuan 75,000 pound hu vel a ni ang a ti.
Crown band hian cross pali leh fleur-de-lis pali a nei a, centre ah arches pahnih insi a nei bawk a. Arches te hi gold beads tereuhte a tuam vek a ni bawk.
Crown chung berah cross dah niin chu chu beads leh ‘monde’ a cheimawi niin hei hi monarch rorelna khawvel tarlanna anga ngaih a ni.
Kum 1661-a siam daih tawh kha a ni chungin King Charles III chu he St Edward’s Crown khum thei pasarihna tur chauh a ni thung.
Charles III thlaktu pahnih James III an kum 1685 ah leh William III an 1689 ah St Edward’s Crown hi an khum ngei chungin royal taste leh fashion inthlak danglam zelah kum 200 hnuah chauh khum lehin a awm a.
King Edward VII khan kum 1902 khan khum ngei a tum laiin coronation dawnah a dam loh nasat avangin crown rit lo zawk a khum phah tawh a.
George V khan he crown hi khum thungin stone set te chu laksawn theih tawh loh turin a siam tir nghal bawk thung.
George VI pawhin khumin Queen Elizabeth kha he crown khumtu hnuhnung ber a ni ta a ni.
King Charles lallukhum khumtirna neihnaah hian a tum khat nan female clergy chuan pawimawhna tak nei dawnin King Charles pawh a riin a tawngtai bawk ang.
Kristian inkhawm a ni chungin sakhaw dang hruaitute pawh teltir an ni dawn a, Britain-a tawng dang te pawh telh ni dawnin chung zingah chuan Weslh, Scottish Gaelic leh Irish Gaelic hymn te sak a ni ang.
Sakhaw rinna dang vuantute ngaihsak an ni chungin King-in thutiam pathum a tiam tur te chu thlak danglam a ni dawn lova chung zingah chuan ‘Protestant Reformed Religion’ kalpui zel a intiamna pawh a tel.
Archbishop of Canterbury chuan tradition thlauhthlak a ni dawn lo va, chutih rual chuan tunlai society mila belh a awm ang a ti bawk a. A tum khat nan ceremony neihnaah mipuite pawhin tihtur an nei ve dawn a, King laka rinawm tura intiamna hun siamsak an ni dawn a ni.