KMMTTP kawng thenfai enfiah
KMMTTP kawng thenfai enfiah
Leminin a tihchhiat Kaladan Multi-Modal Transit Transport Project (KMMTTP) kawngpui thenfai hnathawh mek chu Zirtawpni khan Lawngtlai district bawrhsap Cheemala Siva Gopal Reddy chuan a hmunah a enfiah.
Fur ruahtui tlak nasat avanga KMMTTP kawngpui leminin a hnawh leh tihchhiat chu a hma lama thenfai leh siamthat hna thawh a tul tih bawrhsap hian a sawi a. He kawngpui tlang loh avanga harsatna tawk mekte dinhmun a hriatthiam pui tih sawiin, tunah a thenfai hna chak zawka thawh mek a ni chu lawmawm a tih thu a sawi a ni. Leiminin a tihchhiat kawngpui siamthat leh thenfai hna thawktu ABCI chu mipui dinhmun hrethiam a, chak zawka hna thawk turin a chah bawk.
ABCI hotute hian chawlhkar khat chhunga lirthei tlan theia an thenfai theih tur thu bawrhsap hi an lo hrilh a ni.