March ni 8 khan International Women’s Day a ni a, Aizawlah pawh kohhran hmeichhe pawl hrang hrang tangrualin he ni hi an hmang.
Roman Catholic leh Protestant kohhran hrang hrang hmeichhe pawl – Indian Christian Women’s Movement (ICWM), Mizoram Unit, Association of Theologically Trained Women of India (ATTWI), Mizoram Branch leh Magdalene Society, Mizoram tangrualin JM Lloyd Hall, Synod Office-ah he ni hi an hmang a, Sikulpuikawnah hun an hmang bawk.
Women’s day lawmna hun hi Lalpianthangi Hrahsel, ICWM president-in a kaihruai a, resource person Dr Lalrinawmi Ralte leh Dr Zohmangaihi Rokhum te’n International Women’s Day 2023 campaign thupui “Embrace Equity” tih hmangin thu an sawi. AICS female voice te an zai a ni.
Chawhnu lamah Sikulpuikawnah hun an hmang chhunzawm a, ‘Women in Black’ tiin thawmhnaw duma inthuamin kawng sirah hun an hmang a ni.
‘Women in Black’-in a tum ber chu inrikrapna leh tharum thawhna lam thil hrang hrang do chunga mi zawng zawng tana ram leh khawtlang muanawm siam tura tanrual a ni. Thuamhnaw dum inbelin hmeichhiate chawikanna lam thu leh tharum thawhna hrang hrang do na thuziak poster leh placard te kengin hun an hmang a ni.
Kohhran hmeichhe pawl hrang hrangin Hmeichhe Ni hmang
Get real time updates directly on you device, subscribe now.
Next Post