Nikum Wimbledon-ah Ukraine doa inthurual Russia leh Belarus player tel khap an ni a, kuminah hian khap an ni chhunzawm leh dawn em tih zawhna a len chhoh mek laiin British world number one hlui Andy Murray chuan Russian leh Belarusian player-te tan kumin Wimbledon-ah kawng a inhawn tawh a rin thu a sawichhuak.
Thla hmasa mai Qatar Open final-a US Open champion hlui Daniil Med-vedev laka straight sets hmanga tlawm Briton hian tunhnai khan Russia-in an ram a run avanga tuar Uk-rainian naupangte tanpuina atan nikum chhunga a prize money dawn atangin pound 500,000 chuang a theh-chhuak a; chutiang mi chuan nikuma a lo sawi tawh ang bawkin Wimbledon-a ram pahnih player-te danbeh chu tha a la ti lo reng a, kumin hian an tel theih tawh ngei a beisei thu a sawi.
Murray chuan, “Thil hi a khirh tuat ve bawk a, nikuma tel ve thei ta lo player-te chan kha ka ngaihtuah lo thei lo a; thil thlen mek dan erawh ka hrethiam tho a, Wimbledon tan tak pawh a buaithlak hle ang tih ka ring,” tiin BBC Sport a hrilh zet a, sawizawmin, “Ka hmuh thiam dan chuan kumin hian tel phalsak an nih tawh hmel a, chutih laiin Wimbledon hian ka thlir loh dan kawng an zawh ta a nih pawhin ka hrethiam tho ang,” a ti.
Nikuma Russian leh Bela-rusian player-te tel ve an phal loh avang khan ATP leh WTA lam chuan Wimbledon-in ranking points a ken tel thin an tihtawpsak a ni a, Lawn Tennis Association (LTA) pawh pound maktaduai 1.4 chawi turin an hrem zui bawk.
Russian leh Belarusian player-te laka Murray-a ngaihdan
Get real time updates directly on you device, subscribe now.
Prev Post