Kolasib-ah HIV&STI rally nei

Nimin khan Kolasib DC Robert C Lalhmangaiha chuan Intensified IEC Campaign, India Fight Against HIV/AIDS and STI Rally chu Kolasib DC kawtzawl a\angin a vailiam.
He rally ah hian Kolasib-a school hrang hrangte kalkhawmin HIV, STI leh a kaihhnawih natna te do a nih theih nana awareness thuziak hrang hrang banner leh cardboard a an thuziah te an tarlang a. Kolasib DC Kawtzawl atang bul tanin he ni puala Closing Function hmanna tur Diakkawn YMA Hall thleng rally hi neih a ni.
Rally neih zawh hian Diakkawn YMA Hall ah programme tawi leh lawmman semna hun hman a ni a. Khuallian Robert C Lalhmangaiha, DC chuan thu sawiin, AIDS kaihhnawih natnate a pung tual tual chu mahni nun uluk loh vang te leh mipat hmeichhiat hman khawlohna vang te a ni a, chuvang chuan nun uluk a, rinawmna vawng turin kalkhawmte a chah.
HIV leh STI awareness chungchanga inzirtirna R Lalmuanawmi, Counsellor, MICTC leh Juliet Lalhruaitluangi, Counsellor, STI te hnen atang ngaihthlak a ni bawk.