Kolasib-ah provincialise nih lawm

Mizoram Govt. Adhoc Aided School Teachers Union (MIGASTU) Kolasib District chuan October 9 khan Kolasib-ah district pum huapin provincialised an nih an lawm a. Kolasib district education officer K Lalsiamliani’n a hmanpui.
Kolasib khaw chhung leh pawn school-a thawktute leh zirlaite bakah Managing Committee member-te, MIGASTU Gen Hqrs. hruaitute an tel a. Tlaiah provincialised lawmna ruai kilho a ni.
‘Sawrkarin min duhsakna hi lawm taka chhanglet turin inbuatsaih theuh nise, result tha zawk nei turin taimak chhuah sauh sauh tura infuih a ni,’ an ti.
MIGASTU thuchhuak chuan, Mizoram pumah school provincialised thar 180 a awm a. Heng provincialised tharte hian state leh central sawrkar atangin tanpuina tam tak an dawng ve thei tawh dawn. School building sakthatna, staff quarters sakna, computer leh smartboard, school repair grant, water & electricity fund, zirtirtu leh zirlaite tana hamthatna tam tak a kengtel. Heng school awmna veng leh khuate tan chuan malsawmna tam tak dawnna tur a nih avangin sawrkar hmalaknaah an lawm hle tih a sawi a ni.