Kolasib district-a hman tur lirthei hman man rawt thar

Kolasib district-a hman tur
lirthei hman man rawt thar
Kolasib district-a passenger phur lirthei hman man chu State Transport Authority pawmpui turin rawtna siam thar a ni.
Thawhtanni khan district bawrhsap John LT Sanga hoin Kolasib-a lirthei hmanga eizawng pawl hrang hrang hruaitute, khawtlang leh tlawmngai pawl aiawhte leh Kolasib District Consumer Union hruaitute thukhawmin lirthei hman man an ennawn a. Bawrhsap chuan lirthei hman man bithliah dan ennawn chuan mipui nawlpui a nghawng theih avangin thil tam tak ngaihtuah tel chunga ruahmanna siam a tul tih a sawi a. Kum tina thil man san dan leh khawsak phung hautak dante thlir chungin, lirthei khalhtute dinhmun siamthat chu thil pawimawh tak a nih rualin, lirthei khalhtute chu mipui tan rawngbawlna pawimawh tak thawktu an ni tih inhriat a pawimawh tih a sawi a ni.
Kolasib district-a lirthei hman man bithliah ennawn hnuhnung ber chu 2021 February 1 a ni a. Chumi zulzuia State Transport Authority (STA) in rate a bithliah chu 2021 September 1 atangin hman tan a ni. Thutkhawmah hian bus, maxi cab, taxi leh auto rickshaw hman man ennawn niin, mi pakhat zelah maxi cab hman man chu kilometre khatah Rs. 4.35, taxi hman man km. ah Rs.50, auto rickshaw hman man km. ah Rs. 40 leh bus hman man km. ah Rs. 4 angin STA-ah rawtna siam nise tih rel a ni.