Kolasib district-ah chhiatnaah in hnawl tlu, nunna chan awm lo

Cyclone Remal-in Kolasib district-ah chhiatna liantham tak a thlen loa, in pakhat hnawlin hliam leh thi erawh an awm lo.
Thudawn danin, Kolasib Hmarvenga Vanlalhmangaihi @ Miki in luah lai chu Thawhtanni zan khan leiminin a min pui a, ina awmte hi an chhuah hman avangin thi leh hliam tuar an awm lo. In chhia hi khawtlangin an senghawi nghal a, bawrhsap John LT Sanga chuan chhiattawhna hmun hi tlawhin hnatlang thingpui in na tur sum a pe a, a tula an hman turin Hmarveng YMA hnenah silpouline a pe bawk. Chhiattawk chhungte chu Disaster Response Fund atanga tanpuina awm thei ngaihtuahpui an nih tur thu a sawi a ni.
Kolasib Electric Vengah thing tlu in Gorkha Middle School building a delh a, a theih ang anga senghawi hna thawh nghal a ni.
Bukpui khuaa Lallawmkimi in chu a chung zahve thli in a hawk a; Bairabi Police Station-a police quarter pakhat pawh thli in a chung zahve a hawk a ni.
National highway hmun thenkhatah thing tluin hun engemawchen chu kawngpui a dang a, thenfai a ni tawh. Hmun hrang hrangah electric ban tlu leh thing tluin electric ban leh hrui a tihchhiat hmun 13 velah awmin, khaw thenkhat chu eng pek theih a ni loa, a theih ang angin P&E department-in a chhe lai zawn leh a chhia siam hna an thawk mek.