Kolasib district-ah nau piang
1096 zingah 22 thi; IMR 20.5
April 2022 leh March 2023 inkar hian Kolasib district-a nau piang 1096 zingah boral 22 an awm a. Hei hi nau piang 1000 zela 20.5 anga chhut a ni. Nau piang thi atanga za zela 50 chu District Hospital-a thi an ni a, zaa 72.7 chu thla khat hnuailam an ni.
Hengte hi Zirtawpnia Kolasib chief medical officer Dr Lalawmpuia Chhangte hoa an district-a nu nau chunga thi leh nausen (thla 6 hnuailam) thi thlen dan an thlirletnaah report a ni a. A kaihhnawih department-a thawktute bakah khaw hrang hrang atangin hemi kaihhnawiha harsatna tawk chhungkaw aiawhte an tel.
CMO chuan mihring hriselna enkawl kawngah sawt zawk leh awmze nei zawka District Hospital leh hriselna enkawlna hmunten hma an sawn theihna’n hun kal tawha hnathawh dan thlirlet a pawimawh tih a sawi a. Kum 2022- 2023 chhunga Kolasib district-a nau piang thi leh nu nau chunga thihna thlen chhan thlirlet chuan hriselna enkawl kawnga mawhphurtute tan insiamthat ngaihna lai hmuhfuhna hun tha a siam phah a beisei tih a sawi.
Mihring theihna leh thiamna in a daih loh changa damna beiseia damdawi in pantute tih hlawhchham chang a thlenin, damlo chhungte hnenah chiang takin damlo natna, enkawlna kalpui dan leh theihtawp chhuaha enkawlna kalpui a nih dan hriattir thin a pawimawh tih a sawi bawk.
Tun thutkhawmah hian nau piang thi bakah nu nau chunga thi pahnih awmte enkawlna pek an nih dan thlirlet tel a ni.
Kolasib district-ah nau piang 1096 zingah 22 thi; IMR 20.5
Get real time updates directly on you device, subscribe now.
Next Post