Kolkata doctor ten an nawrh dan thlak, OPD ah la thu lo

Doctor thihna avanga Kolkata a doctor ten nawrh an huaihawt chu thla fe a liam hnuah an nawrh dan kawng thlakin, OPD lamah la thu lovin, emergency leh pawimawh bik thilah chauh an chhuak dawn. An dinna erawh a la ngai reng tih sawiin, a theih dan kawng kawnga sorkar kar erawh an la tawpsan lo tih an sawi.
West Bengal chief secretary Manoj Pant chuan heng nawrh huaihawttute dinhmun leh hriselna hi a tha a, boruak duhawm lo a thleng lo tih sawiin, sorkar chuan theihtawp chhuaha thudik hailang tura tan an lak reng thu a sawi a, doctor te chu an hna tha taka zawm leh hram turin a ngen nghal bawk.
Doctor thihna hian an state chhung mai bakah rampumah nghawng a nei lian hle a, West Bengal sorkar Mamata kaihhruai chuan dem kai hle in, an hmingchhiat phah hle bawk. Tin, sipai lam hotu sang thlenga siksawina an nei nasa hle a ni.
Doctor te hian CM hnenah an duh dan thlenin, point nga an thlente chu tihhlawhtlin ngei an ngiat a, sorkar in a tihhlawhtlinsak lo a nih chuan na zawka kal leh mai pawh an inrin reng thu an sawi.
Doctor te hian sorkar chuan venhimna leh ngaihsakna an pek nasat lehzual ngei an la beisei fan bawk a, ngaihsakna sang tak sorkar atanga dawn ve tawh ngei an la beisei reng thu an sawi bawk.