Kolkata doctor ten ni 11 chaw an nghei tling ta

Kolkata doctor ten ni 11 chaw an nghei tling ta
RG Kar hospital a junior doctor thihna nghawng kal zelah junior doctor te chuan sorkar atanga an duh ang tihhlawhtlinna an la hmuh loh avangin chaw an la nghei chhunzawm zel a, ni 11 an nghei tling ta.
Thawhlehni khan state thuneitute leh lungawilohna lantirtute hian inbiakna nei mah se, an duh ang thu lawmawm an la hmuh loh zel avangin an inbe rem thei rih lo a ni.
Chaw ngheia nuarte zingah hian dinhmun hlauhawma ding an la awm lutuk lo nia sawi a ni a, mi pahnih vel chu chau tawngkhawng awmin, enkawlna pek nghal an ni a, an dinhmun erawh a tha leh tawh nia sawi a ni. October ni 5 atang khan chaw ngheia nawrh hi an tan a, chaw an nghei hma hian ni 50 chhung hnathawk lovin an lo awm tawh bawk.
Junior doctor te nawrhna hi doctor pawl hrang hrang pawhin an thlawp thu an sawi belh thar zel a, an thil phut hrang hrang chungchangah hian West Bengal sorkar chuan thuthar engmah a la nei rih lo tluang zel a ni.