KPop Demon Hunters soundtrack HUNTR/X ‘Golden’ a lar ber

KPop Demon Hunters soundtrack HUNTR/X ‘Golden’ a lar ber
Animated film hit zet mai KPop Demon Hunters soundtrack, HUNTR/X hla ‘Golden’ chu Billboard Global 200 chart-ah No.2 atangin No.1 a kai a, HUNTR/X tan he chart-ah an vawi khat No.1-na a ni. KPop Demon Hunters soundtrack dang Saja Boys “Your Idol” chu No.3 a kai a, ‘Soda Pop’ pawh top 10 a kai ta bawk. Hetirual hian Drake hla thar ‘What Did I Miss?’ pawh top 10-ah a debut.
KPop Demon Hunter hi Netflix-ah an tichhuak a, US-ah limited theatrical release a ni bawk a, a film rual hian a soundtrack pawh an tlangzarh nghal a, US-a Netflix Top 10 Movies-ah No.2 a ni pha bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuang a official-only stream (subscription & ad-supported audio leh video music services) leh download sales te chu tehna pawimawh a ni.
HUNTR/X (EJAE, Audrey Nuna & REI AMI) “Golden” hian kar khat chhungin stream maktaduai 67.7 leh sales 6,000 neiin, chart No.2 atangin No.1-ah a insawn a, KPop Demon Hunters soundtrack dang Saja Boys (Andrew Choi, Neckwav, Danny Chung, Kevin Woo & samUIL Lee) “Your Idol’-in stream maktaduai 45.7 leh sales 3,000 neiin No.10 atangin No.3-a a invawrh kai ta a, he film soundtrack dang Saja Boys ‘Soda Pop’-in stream maktaduai 41.3 leh sales 3,000 neiin, No.13 atangin No.6 a invawrh kai ta bawk.
He chart a kar 10 No.1 ni thei Alex Warren ‘Ordinary’ chu No.1 atangin No.2-ah a tawlh a, kar 18 No.1 ni thei Lady Gaga leh Bruno Mars ‘Die With a Smile’ chu No.3 atangin No.4-ah a tawlh a, kar 12 No.1 ni thei ROSE leh Bruno Mars ‘APT.’ chu No.6 atangin No.5 a kai thar leh ta bawk.
Drake hla thar ‘What Did I Miss’-in stream maktaduai 35.5 leh sales 7,000 neiin, No.9-ah a debut a, he chart-a Drake hla top 10 a lang thei 37-na a ni a, Drake hian he chart top 10-a lang thei hla ngah ber record a siam a sawhnghet lehzual a ni. Chart top 10-a hla ngahah hian Drake dawttu chu Taylor Swift (33) leh Bad Bunny (25) te an ni.
Billboard Global 200
Top 10:
1 Golden – HUNTR/X: EJAE, Audrey Nuna & REI AMI
2 Ordinary – Alex Warren
3 Your Idol – Saja Boys: Andrew Choi, Neckwav, Danny Chung, Kevin Woo & samUIL Lee
4 Die With A Smile – Lady Gaga & Bruno Mars
5 APT. – ROSE & Bruno Mars
6 Soda Pop – Saja Boys: Andrew Choi, Neckwav, Danny Chung, Kevin Woo & samUIL Lee
7 Manchild – Sabrina Carpenter
8 Back To Friends – sombr
9 What Did I Miss? – Drake
10 Love Me Not – Ravyn Lenae