Kuhva chin belh lamah pui thei lo

Kuhva chin belh lamah pui thei lo
India rama kuhva chin chu a tam tawk tawh avangin India sawrkar chuan chin belh tawh lo turin state tin a hriattir a. mizoram sawrkar chuan kuhva chin chu la thlawp tho mah se, project thar siama puihna siam lam chu a tih theih dawn tawh loh tih Land Resources, Soil & Water Conservation minister Lalthansanga chuan a sawi.
Assembly Session-a kuhva chin chungchang sawinaah minister chuan, sawrkar laipui atangin kuhvaah kan intodelh tawh a, kuhva chin belh tawh zel tawh lo tura hriattirna hi an dawng a. Mizoramah a sawrkar ang chuan kuhva chin belh tawh loh tih chu an thlawp zawng a ni lem lo naa, sawrkar laipuia thehluh tur project siam belh erawh a rem tawh dawn loa, thehlut pawh nise a tlang a rinawm tawh loh tih a sawi.
Sawrkarin kuhva chingtute tan support price pek dan a ngaihtuah mek tih sawiin, hei bakah hian kuhva rah tih ro na khawl leh skop siamna atan tender tihchhuah a ni a, hralh suma a hlawkna tihpun tumin, kuhva chin dan tha zawk inzirtirna pawh kalpui a ni dawn tih a sawi bawk.