March 9 khan Serchhip Police-ten kuhva rah bag 335 an man a, hei hi tunhnaia tum khata an man tam pawl a ni.
Serchhip Sailiamkawn Police Check Gate duty-te chuan Ningani chhun khan Keitumah kuhva rah bag 335 (kg 23450 vel), lirthei 9-a phurh hi an man a. Lirthei khalhtu leh kuhva rah an phurh zat chu – Lianmanga (33) Sesih Champhai (bag 40), Lalhruaitluanga (26) Khuangleng Champhai (bag 30), Laltlanzauva (31) Khuangleng Champhai (bag 40), Lalramzauva (29) Buang Champhai (bag 30), Lalramlawma (48) Khuangleng Champhai (bag 30), Lalrinngheta (44) Khuangleng Champhai (bag 35), Lalrinchhana (25) Electric Veng Champhai (bag 30), Lalremtluanga (34) Dawrpui Vengthar Aizawl (bag 40) leh Hrangthankunga (24) Bulfekzawl Champhai (bag 60) nia inchhal te khalh atangin an man.
Kuhva rah mante hi Khuangleng, Champhai atanga Aizawl, Lunglei, Serchhip leh Tlungvela phurh thlen tum nia hriat a ni. Kuhva rah leh a phurtute hi Custom Preventive Force Lunglei kuta hlan a ni.
Kuhva rah bag 335 man
Get real time updates directly on you device, subscribe now.