Ram leh hnam hmelma lian ber chu corruption leh ruihhlo a ni a, zirlaiten school atangin heng thil pahnih hi an do a pawimawh tih ZPM leader Lalduhoma chuan a sawi.
Thenzawla Victory English School programme a hmanpuinaah Serchhip bialtu MLA Lalduhoma chuan kan ram leh hnam hmelma lian ber pahnih chu corruption leh ruihhlo a ni, tiin, zirlaiten naupang an nih lai atanga school atanga an do a pawimawh tih a sawi. “Hlemhletna leh ruihhlo vangin kan ram leh hnam a chhe mek a, zirna in atangin do a ngai a, zirtirtuten helam hawi an zirtir uar a pawimawh,” a ti.
Sawrkar school-ah zirtirtu indaih lo an tamin zirna a chhia a, siamthat a tul tih a sawi a. Zirtirtu hlawh tlem zawkten English Medium School private-ah zirna tha tak an kalpui chu lawmawm a tih thu te, New Education Policy chu kan hnam, kan khawtlang mila herrem a, naupan lai atanga Zonunmawi inzirtir ngaipawimawh a ngai tih a sawi.
ZPM party chuan sawrkar school tha zawka siam chung a, kohhran leh mimal enkawl school-te state budget atanga financial support pek a, sum hmanga tanpui a, an management tidanglam nasa loa mirethei zawkte school thaa an kal theihna’na hma lak an ngaipawimawh tih Lalduhoma hian a sawi a. Sawrkar leh kohhran leh mimal enkawl school-te kalrual thiam pawimawh a tih thu a sawi bawk.
School atangin corruption leh ruihhlo do a tul – Duhoma
Get real time updates directly on you device, subscribe now.
Next Post