Kum 2026 Republic Day khuallian tur Indonesia president

Kum 2026 Republic Day khuallian tur Indonesia president
Kum 2026 India Republic day lawmnaah Indonesia president Prabowo Subianto chu khuallian a ni dawn tih India chuan a sawi a, anni nen hian New Delhi chuan ram pahnihte sipai lama tihchak dan tur leh thawhdun dan tur an ngaihtuah dawn niin a sawi a, BrahMos missile thawnchhuah tura rawtna thlengin an ngaihtuah dawn tih a sawi.
Prabowo hi Indonesia defence minister hlui leh an president hlui, mi chak tak Suharto a rinrawl tak ni thinin, an ram dinhmun chinchang hre tak a ni a, BrahMos missile chungchangah India nen thawhdunna rinawm tak neih a duh niin New Delhi chuan a sawi bawk.
He thawhdunna tur hi a hlawhtling thei a nih chuan Philippines hnua India thawhpuina hnuaia BrahMos missile hlawhtling tak kalpui thei ram a ni ve dawn a, hei hi ram hruaitu lu ber hian a hrechiang hle nia sawiin, Jakarta nen hian inthiantha tak nih a duh thu New Delhi chuan a sawi.
Indonesia ram hruaitu lu rawn zui hian Republic day parade a tel turin an sipai engemawzah chuan training an nei mek bawk a sawi a ni a, tun tum Republic day lo awm tur hi Indonesia president in Republic day a tum li khuallian an nihna tur a ni bawk.