Kum 2020 atanga kumin thlengin Synod Hospital Durtlanga damlo awm, an awm man leh senso dang pe thei lo tana charity fund lut atanga a peksak chu cheng nuai 533 chuang a ni.
Mizoram Presbyterian Kohhran-in Health Sunday leh Hospital Sunday a hman pualin, Synod Hospital tan thawhlawm lakkhawm thin a ni a. Hospital Sunday thawhlawm bakah hian kohhran, pawl leh mimal thawh bakah Synod grant (Rethei Pual) atanga sum hmuh hmangin he damdawi in pantu, awm man leh damdawi man nei lote tan, damdawi in bill a siam ang chu peksak thin a ni.
Kum 2020 atanga kumin kal mekah mi 2377 tan an senso Rs. 5,33, 03,294 chu tumsak an ni tawh a. He thilah hian kohhram mal bik thliar loin a pe remchang thei lo chu pek sak mai thin an ni a, eng kohhran nge an nih, tih erawh chhinchhiah a ni thung.
Kumin June 30 thlenga damlo 514-in an awm man an la bat tlingkhawm zat chu Rs 2,00,42,944 a ni.
Health Sunday leh Hospital Sunday hi kum 2010 atangin July Pathianni hmasa ber chawhnu leh zanah Mizoram Presbyterian Kohhran chuan a hmang thin a; kuminah July 7 (Pathianni) chawhnu leh zan inkhawmah hemi pual programme a hmang dawn a ni.
-- Advertisement --
Kum 4 chhunga Charity Fund hman dan:
Kum Damlo zat Sum hman
2020-2021 409 Rs. 8815755
2021-2022 597 Rs. 11979116
2022-2023 508 Rs. 10703670
2023-2024 863 Rs. 21804753
Belhkhawm 2377 Rs. 53303294