Kum 5 hnuailam naupang thi

Kum 5 hnuailam naupang thi
Kuminah Kolasib district-ah kum 5 hnuailam naute thi 10 an awm tawh.
District Level Maternal & Child Death Review Meeting Kolasib chu an chairman, bawrhsap Robert C Lalhmangaiha hoin Thawhlehni khan an thukhawm a. Kumin April atanga September thlenga an district-a naupang thihna leh nau chunga nu thihna thlen dan leh hmalak dan tur sawi a ni.
Thutkhawmah hian vanduaithlak taka naute chunga thihna a thlen thin dan leh nau pai lai leh a hrin laia thihna thleng thei khawpa harsatna awm thei, naute in an sen laia thihna thlen thei natna chi hrang hrang an tawh leh an enkawl dan sawiho a ni a. CMO Kolasib leh District Hospital Kolasib atanga report-a a lan danin, Kolasib district-ah nu leh naute inentir, hri danna lak kawngah leh chaw tha (nutrition) dawn kawngah hmasawnna hmuh chhoh zel a ni. Inzirtirna a tam thei ang bera kalpui niin mipui pawhin an zawm tha hle a, Nu a rai tirh atanga naute an lo than chhoh thlenga inentir leh hri danna lak a pawimawh zia sawiho a ni bawk.
Report a tarlan danin, kumin April – September chhung khan Kolasib district mi, kum 5 hnuailam, naute 1 leh nausen (infant) 10 an thi a, heng zinga 7 hi ZMC leh Aizawl Civil Hospital-a thi an ni.