Kum khat chhungin mi 600-in hri vei

Kum liam ta 2023-ah khan Covid-19 hrilengin Mizoram a la tibuai a, a hma angin a nasa tawh lo thung. Kum khat chhung khan mi 600-in hri an vei tih hriatchhuah a ni.
Kum hmasate ngaihtuahin 2023 hi a zia khawp mai a, hri kai zat leh endik zatte pawh kum hmasate nena khaikhinin a tlem. IDSP te’n an chhinchhiah danin, nikumah khan Mizoramah sample 3810 endik niin, mi 600-in hri an kai tih hriatchhuah a ni a, mi pariatin vanduaithlak takin nunna an chan.
January, November leh December-ah te hri vei an awm lo a, December-ah phei kha chuan sample endik ngai pawh pahnih chiah a awm.
Vanneihthlak takin hri hi a zia telh telh a, nikum kum April a\anga June vel thlenga a hluar \ha leh pawh kha, kum chawhnu lamah a darh zui lo hlauh.
Khawvel pumin Covid-19 vanga harsatna a tawh \an kum 2020-ah khan sample 1,79,810 endik niin, mi 4216-in hri an vei a, mi pariatin nunna an chan. 2021 kha a hluar nasat ber kum a ni a, sample 13,27,398 endik niin, hri vei zat pawh 1,37,449 a ni a, mi 537-in nunna an chan. 2022-ah sample 4,85,757 endik a ni a, mi 97,299-in hri an vei a, mi 181-in nunna an chan.
Kum tharah vanneihthlak takin hri vei hriatchhuah a la awm lo a, 2020 a\anga 2023 thlengin Mizoramah mi 2,39,564 te’n hri an vei tawh.

2023-a +ve zat

Thla +ve
Jan 0
Feb 1
Mar 5
Apr 82
May 375
Jun 116
Jul 12
Aug 4
Sept 2
Oct 1
Nov 0
Dec 0