Kum khat chhungin MizoramahHIV kai hmuh thar 2000 chuang

2024 April atanga March 2025 chhungin Mizoramah HIV kai hmuh thar 2021 an awm a. Heng zinga zaa 66 chu mipa niin, inpawlna atanga kai an tam ber.
Hnahthial District Aids Prevention and Control Committee chu Thawhlehni khan an chairman, bawrhsap K Vanlalruati kaihhruaiin an thukhawm a. Hetah hian Mizorama sawrkar kum kalta chhunga HIV kai hmuh thar hi report niin, hmuh thar 2021 zinga 1330 (66%) hi mipa an ni. Inpawlna atanga kai an tam ber a, 1302 (68.13%) an ni. Inchiuna thianghlim lo hman avanga kai mi 559 (29.25%) an awm bawk. HIV kai zinga zaa 88 chu kum 15 atanga 59 inkar an ni.
Hetih rual hian tun hnai kum nga liamta chhung khan Mizoram pumah HIV kai hmuh thar hi a pung zawng ni lo, a hniam zawngin a kal ve thung a. Hriau thianghlim inhmantirna – needle syringe exchange programme leh condom sem bakah awareness pek that vang nia ngaih a ni.
Thutkhawm chhan, Hnahthial district bikah 2024 April atanga 2025 March thleng khan HIV kai hmuh thar mi 15 hmuh thar an awm a. Heng zinga 10 (66%) chu mipa niin, inpawl atanga kai 9, inchiuna thianghlim lo hman avanga kai 4 an ni. Kum 35-49 inkar atangin an hmu chhuak ber a ni.