Kum sarih hnua Iranian tuialhthei a lei leh hmasak phurtu lawngin India thleng

Iranian tuialhthei thlitfim loh phur lawng lian pahnihin Indian lawng chawlhhmun an thleng niin LSEG lawng tracking data atangin a lang a, tual chhunga thlifimtuten thla hmasaa US-in ngaihhnathiamna a pek hmangin kum sarih chhunga a vawi khat nan Tehran atanga a lei leh ta a ni.
US-in ngaihhnathiamna a siam hi April 19 hian a tawp dawn a ni.
Iranian flag intar lawng, Felicity hian India khawthlanga Sikka Port a thleng tawh a, Curacao flag intar, vuah Jaya pawhi Odisha khawchhak lama lawng chawlhhmunah a awm tawh tih data-ah hian a lang a ni.
VLCC hian tuialhthei barrel maktaduai hnih a phur a ni.
Khawvela tuialhthei la luttu leh hmangtu tam ber pathumna, India hian US-in May, 2019-a an ram tuialhthei leisak lo tura a nawrna avangin Iran atang hian a lei leh tawh miah lo a ni.
Ram chhunga thlitfimtu lian ber, Indian Oil Corp chuan US hrekna hnuaia Jaya lawnga phurin Iranian tuialhthei a lei niin Reuters chuan kar hmasa khan a lo tar lang tawh bawk.
India chuan khawvela tuialhthei thlitfimna hmun (refining complex) lian ber enkawltu, Reliance Industries Ltd chu Iranian tuialhthei phur Comoros lawng aframax Kaviz, Curacao lawng VLCC Lenore leh Iran lawng VLCC Felicity leh Hedy te chu an thil phurh lei a phalsak a ni.