Kum thum hnuah China-in visa pe chhuak dawn ta

China chuan kum thum kaltaa pandemic len hnuah a tum khat nan foreign tourists te tan visa a pe chhuak leh dawn ta a.
Hetianga khuahkhirhna a hlihna chhan hi Beijing-in virus lakah hnehna puang tawha zero-Covid startegy-in a economy a tihchhiat tawh em hnua a inhawn tak vang a ni.
China hian visa te hi 28 March 2020 atang khan a pechhuak tawh miah lo va, 15 March atangin a pechhuak tan leh dawn a. Cruise ship te tan bik chuan Hainan Island leh Shanghai bikah visa-free entry a kalpui thung ang.
Hei bakah hian Hong Kong leh Macau atanga China lutte tan visa-free-entry a ni bawk ang a, ram pawna Chinese consular office te chuan visa application hi an dawng leh thei tawh dawn bawk a ni.
Visa khuahkhirh hlih hi China in Covid a dona kalpuia khuahkhirhna a hlih thlak zela a hnuhnung ber a ni tawh a, ponst-pandemic China ah normal life angin thil kalpui mek zel a ni.
Pandemic len hmain China hi international visitor nuai tam tak tena kumtina an tlawh thin a ni a, mahse, anti-Covid measures khauh lutuk avangin tourism industry chuan a tuar nasa hle a ni.
Analysts te chuan China chuan khualzin thahnem tak mikhual tur a neih nghal an rin thu an sawi a. Chinese khua leh tui te tour group anga zin tum khata mi 20 zela bithliah pawh 60 ah tihsan a ni dawn bawk.
China chuan kum 2022 khan an gross domestic product chu 3% chauhin a thang an ti a, kum sawm nga chhung vela a punna nep ber kuma tawng a ni.
Kumin hian Beijing chuan Premier thar Li Qiang kaihhruaina hnuaiah 5% target a siam a, khawvela economy lian ber niin a insiamrem meka hmasawn lam a pan meka ngaih a ni bawk.
China zero-Covid policy khauh tak chu nikum December thla khan China mipui tena lungawilohna nasa tak an lantir hnuah China leader Xi Jinping chuan a hnawl a ni.