Ministry of Social Justice and Empowerment hmalakna in Ningani khan Regional Resource Training Centre (RRTC) for Senior Citizens, Mission Foundation Movement (MFM) chuan nu leh pa leh kum upate chawmna leh enkawlna dan inzirtirna an buatsaih.
He programme-ah hian sawmbik – MUP Gen. Hqrs, Synod Social Front, MHIP leh MUP branch hrang hrang te atangin aiawh engemawzat an tel.
Advocate K Lalchhanhima’n Maintenance and Welfare of Parents and Senior Citizens Act 2007 chungchang a zir pui a. Sawrkar laipuiin upate a humhalhin anmahni tan he dan a siam pawh hi zau zawka inzirtir a ngai tih a sawi. Kum upate leh nu leh paten harsatna an tawh thin, an ro khawmtuten an mawhphurhna an hlen loh avang harsatna an tawha hmalak dan tur te a sawi bawk. Upate chanvo -damdawi inah upate tan bika khum dah sak leh upate tana intlarna bik siamsak a, thawktuten an lo ngaihsak thuai chu upate chanvo a ni tih a sawi a. He dan zawm duh lotute chu Rs. 5000 chawi emaw thla thum lung in tang tura hrem emaw theih an ni a, a pahnihin hremna hi pek kawp theih a ni bawk tih a sawi a ni.
MFM hi RRTC for Senior Citizens atana sawrkar laipuiin a thlan niin, heng state – Assam, Meghalaya, Arunachal Pradesh leh Mizorama kum upaten hamthatna leh chhawmdawlna an dawn theihna’n hma a la a ni.
Kum upate enkawlna dan zir
Get real time updates directly on you device, subscribe now.
Prev Post
Next Post