Kum upate hman tur policy thar siam thuai dawn

Kum upate hman tur policy thar siam thuai dawn
Sorkar laipui chuan kum upa zawkte tan policy thar a siam thuai dawn niin ministry of social justice & empowerment-a secretary Amit Yadav chuan a sawi.
Association of Senior Living India (ASLI) buatsaih inkhawmah he thu hi Yadav chuan sawiin, kum upa zawkte tan policy thar a siam a ni dawn a, a kaihhnawih hrang hrangte nen inrawnkhawmna pawh neih tawh a nih thu a sawi bawk.
Secretary hian sorkarin flagship scheme a neih Ayushman Bharat Pradhan Mantri Jan Arogya Yojana (AB PM-JAY) hnuaiah tute sum lakluh man thliarsak lovin kum 70 chung lam zawng zawngte chu health coverage pek a tum thu a sawi bawk a ni.
Rajit Mehta, Chairman, ASLI leh MD & CEO, Antara Senior Care chuan, kum 2050 ah chuan India rama kum upate chu maktaduai 300 chuang an tlin tawh rin a nih thu a sawi a, ramchhung mipui zaa 20 vel an nih dawn avangin kum upate ngaihsak zual a ngai dawn hle niin a sawi a, sorkar laipui chuan ruahmanna a siam thuai thuai a ngaih dawn thu a sawi a ni.